اسلام آباد: چیف جسٹس پاکستان یحییٰ آفریدی نے جوڈیشل کمیشن کا پہلا اجلاس 5 نومبر بروز منگل کو طلب کر لیا جس میں آئینی بینچز کی تشکیل و دیگر معاملات پر غور کیا جائے گا۔
جوڈیشل کمیشن اجلاس کی صدارت چیف جسٹس پاکستان یحییٰ آفریدی خود کریں گے جبکہ اس میں جسٹس منصور علی شاہ، جسٹس منیب اختر اور جسٹس امین الدین شرکت کریں گے۔
اجلاس میں آئینی بینچز تشکیل، آئینی بنچز کیلیے ججز نامزدگی اور جوڈیشل کمیشن سیکرٹریٹ کے قیام پر غور ہوگا۔
- Advertisement -
اجلاس میں اٹارنی جنرل، وزیر قانون، ارکان پارلیمنٹ و دیگر ارکان شریک ہوں گے جبکہ نمائندہ پاکستان بار کونسل اختر حسین بھی شرکت کریں گے۔
پاکستان پیپلز پارٹی کے فاروق ایچ نائیک، مسلم لیگ (ن) کے شیخ آفتاب احمد، پاکستان تحریک انصاف (پی ٹی آئی) کے عمر ایوب اور شبلی فراز اور خاتون ممبر روشن خورشید شرکت کریں گے۔
