لاہور: پولیس نے مختلف علاقوں میں رکشے میں سوار ہوکر واردات کرنے والے گروہ کے 3 ملزمان کو گرفتار کر لیا۔
تفصیلات کے مطابق لاہور میں گوالمنڈی پولیس نے کارروائی کرتے ہوئے چنگ چی رکشے میں سوار ہو کر وارداتیں کرنے والے 3 رکنی گروہ کو گرفتار کرلیا۔
پولیس کا کہنا ہے کہ گرفتار ملزمان میں سرغنہ خلیل ساتھی مبشر اور عدنان شامل ہیں جبکہ ملزمان اب تک 43 سے زائد وارداتیں کر چکے ہیں۔
- Advertisement -
پولیس کا مزید کہنا تھا کہ ملزمان چنگ چی رکشہ پر نکلتے اور کھڑی موٹر سائیکلوں کو چوری کرتے تھے، ملزمان سے 3موبائل، 2 گھڑیاں، اسلحہ اور چنگ چی رکشہ برآمد کرلیا گیا ہے۔
