کراچی : مختلف علاقوں میں 16 گھنٹے سےبجلی اور پانی کی فراہمی معطل ہونے سے شہری شدید گرمی میں سخت اذیت کا شکار ہے۔
تفصیلات کے مطابق کراچی کے مختلف علاقوں میں 16 گھنٹے سےبجلی اور پانی کی فراہمی معطل ہے۔
مینٹیننس کےنام پرشاہ فیصل کالونی،ماڈل کالونی، ملیرمیں صبح سےبجلی بند ہے ، بجلی بندش سے شاہ فیصل کالونی سمیت مختلف علاقوں میں پانی کا بحران پیدا ہوگیا ہے۔
شاہ فیصل گرین ٹاؤن، ہاجرہ آباد،شاہ فیصل ایک تا5نمبرتک اندھیرا میں ڈوبا رہا، شہری شدید گرمی میں سخت اذیت کا شکار ہے۔
شہریوں کا کہنا ہے کہ فالٹ اورمینٹیننس کےنام پرصبح بجلی بندکی گئی تھی، رات 12بجےبھی لائٹ نہیں آئی۔
خیال رہے آئے روز کراچی کے مختلف علاقوں میں عوام کی جانب سے کے الیکٹرک کے خلاف احتجاج کیا جارہا ہے۔
دو روز قبل بھی گارڈن پولیس ہیڈ کوارٹر کے قریب کے الیکٹرک کے خلاف عوام نے احتجاج کیا، مشتعل مظاہرین کے الیکٹرک کے دفتر پر پتھراؤ کیا ، جس کے باعث گارڈن سے ایم اے جناح روڈ آنے اور جانے والی دونوں سڑکیں بند ہوگئیں تھیں۔
دوسری جانب عسکری پارک پرانی سبزی منڈی کے قریب مکینوں نے بجلی و پانی نہ ہونے پر احتجاج کیاتھا، جس کی وجہ سے یونیورسٹی روڈ، جیل چورنگی سے حسن اسکوائر جانے والی سڑک بند کردی تھی۔
