بھارت کے تلنگانہ کے نرمل شہر کے مہاتما جیوتی باپولے اسکول میں ایک دل دہلا دینے والا حادثہ رونما ہوا، نویں جماعت کا طالب علم فیاض حسین عرف ایان مشتبہ طور پر مردہ پایا گیا۔
بھارتی میڈیا رپورٹس کے مطابق اسکول انتظامیہ کا اس حوالے سے کہنا ہے کہ ایان ہر روز کی طرح فٹ بال کھیلنے میں مصروف تھا، کہ اچانک اس کی طبیعت خراب ہونے لگی، اسکول کے اسٹاف نے نوٹس کیا تو اسے فوری طور پر اسپتال لے گئے۔
اسپتال جانے کے دوران راستے میں اس کی حالت مزید بگڑنے لگی، اسپتال میں پہنچے تو ڈاکٹروں نے اس کی موت کی تصدیق کردی۔
عمران اللہ خان، رفیع احمد قریشی اور یکتا ویلفیئر سوسائٹی نے اس افسوسناک حادثے کے خلاف شدید احتجاج کیا اور ایان کی موت کے لئے اسکول انتظامیہ کو ذمہ دار قرار دیا۔
کھیلتے ہوئے کار کے دروازے لاک، 4 بچے دم گھٹنے سے ہلاک
رپورٹس کے مطابق اسکول کے اساتذہ کا کہنا تھا کہ یہ ہمارے اور دیگر طلبہ کے لئے ناقابل یقین اور دل کو چھو لینے والا لمحہ تھا کیونکہ نویں جماعت کا طالب فیاض حسین ایک خوش مزاج اور محنتی بچہ تھا، اسی کی موت سے سب کو تکلیف پہنچی ہے۔
