اسلام آباد : تھائی لینڈ میں ٹیکسی ڈرائیور نے دو پاکستانیوں کو اغوا کرلیا، دونوں مغویوں کے اہلخانہ نے حکومت سے فوری اقدمات اٹھانے کی اپیل کردی ہے۔
تفصیلات کے مطابق مظفراباد آزاد کشمیر سے تعلق رکھنے والے دو شہری تھائی لینڈ میں ٹیکسی ڈرائیور کے ہاتھوں اغوا ہوگئے۔
عمر عباسی اور ایڈوکیٹ رئیس عباسی دونوں 11 اکتوبر 2024 کو دبئی سے تھائی لینڈ روانہ ہوئے ، وزٹ ویزا پر لینڈنگ کے بعد دونوں ہی نے اپنی فیملی سے رابطہ کر کے بتایا کہ وہ خیریت سے پہنچ گئے ہیں۔
دونوں نے ٹیکسی کے زریعے ہوٹل کی طرف روانہ ہوئے ، اگلے دن عمر نے اپنے گھر رابطہ کیا کہ ان کو ٹیکسی ڈرائیور نے اغوا کر کے غیر قانونی طرح گن پوائنٹ پہ میانمر(Myanmar )کا بارڈر کراس کروایا اور دونوں کو سکیمنگ سینٹر میں رکھا گیا ، جہاں 17 گھنٹے سائبر کرائم (cyber crime)کا کام کروایا جاتا ہے۔
دونوں مغویوں کے اہلخانہ نے حکومت سے فوری اقدمات اٹھانے کی اپیل کرتے ہوئے کہا کام سے انکار پر مارا جاتا ہے کرنٹ لگایا جاتا ہے جیل میں بند کر دیا جاتا ہے۔
