کراچی میں فائرنگ سے 2 چینی شہریوں کے زخمی ہونے کے واقعے پر پاکستانی دفتر خارجہ کی جانب سے ردعمل آگیا ہے۔
پاکستانی ترجمان دفتر خارجہ کا کہنا تھا کہ آج صبح کراچی میں گارڈ کی فائرنگ سے 2 چینی شہری زخمی ہوئے، دونوں زخمی چینی شہری اسپتال میں زیر علاج ہیں، پاکستان زخمی چینی شہریوں کے اہلخانہ سے اظہار ہمدردی کرتا ہے۔
دفتر خارجہ نے مزید کہا کہ زخمی چینی شہریوں کی جلد صحت یابی کے لیے دعاگو ہیں، چینی شہریوں کے ساتھ پیش آنےوالےواقعے کی تحقیقات جاری ہیں۔
- Advertisement -
ترجمان نے کہا کہ پاکستان ملزم کو انصاف کے کٹہرے میں لانے کے لیے پرعزم ہے، چینی سفارت خانے سے وزارت خارجہ، وزارت داخلہ رابطے میں ہیں۔
دفتر خارجہ کے ترجمان نے کہا کہ پاکستان اور چین قریبی شراکت دار اور آہنی بھائی ہیں، پاکستان چینی شہریوں، منصوبوں اور اداروں کے تحفظ کیلئے پرعزم ہے۔
