امریکی صدارتی انتخاب میں ٹرمپ کی کامیابی سے امریکی اسٹاک مارکیٹوں میں تیزی آگئی جبکہ امریکی کرنسی مارکیٹ چار ماہ کی بلند ترین سطح پر پہنچ گئی۔
تفصیلات کے مطابق نئے امریکی صدر ڈونلڈ ٹرمپ کی کامیابی کی خبروں سے امریکی اسٹاک مارکیٹس میں بہتری نظر آ رہی ہے۔۔
غیرملکی میڈیا کا کہنا ہے کہ ٹرمپ نے ٹیکس ریٹ ، کارپوریٹ ریگولشن میں کمی، امریکی ڈالرکو بہتراور شرح سود میں کمی کرنے کا بھی اعلان کیا ہے۔
ایس اینڈ پی اور نسدک فیوچر ٹریڈنگ میں ایک فیصد سے زائد کا اضافہ ریکارڈ کیا گیا ہے جبکہ امریکی کرنسی مارکیٹ چار ماہ کی بلند سطح پر پہنچ گئی۔
امریکی صدارتی انتخاب 2024 تمام خبریں
واضح رہے امریکا میں صدارتی دوڑ کی جنگ میں ڈونلڈ ٹرمپ فاتح رہے، انھوں نے 277 الیکٹورل ووٹ حاصل کرلیے ہیں۔
ٹرمپ نے سوئنگ اسٹیسٹس شمالی کیرولینا، جارجیا، پینسلوینیا اور وسکونسن میں کاملا ہیرس کو شکست دی۔
ٹرمپ انڈیانا، کنٹیکی کٹ، مغربی ورجینیا، اوکلا ہوما، مسیسپی، الاباما، فلوریڈا، جنوبی کیرولائنا، ٹینیسی اور آرکنساس سے کامیاب ہوئے۔
