فیصل آباد: انسداد منشیات فورس نے منشیات اسمگلنگ کی کوشش ناکام بناکر ترک ڈرائیور کو گرفتار کرلیا۔
تفصیلات کے مطابق انسداد منشیات فورس (اے این ایف) کے ترجمان نے بتایا کہ انٹیلی جنس اطلاع پر موٹروے انٹر چینج ساہیانوالا فیصل آباد کے قریب کارروائی کی گئی۔
ترجمان کے مطابق اس کارروائی کے دوران ٹرک کے ڈرائیور کیبن سے 1200 گرام منشیات کے 150 پیکٹ جبکہ ٹرک سے مجموعی طور پر 180 کلو منشیات برآمد ہوئی۔
- Advertisement -
اےاین ایف ترجمان کے مطابق ٹرک ڈرائیور کو گرفتار کرلیا گیا ہے، گرفتار ملزم بین الصوبائی منشیات اسمگلنگ گروہ کا اہم رکن ہے، ملزم کے خلاف انسداد منشیات ایکٹ کے تحت مقدمہ درج کر لیا گیا ہے مزید کارروائی جاری ہے۔
