امریکا میں صدارتی انتخابات کی گہما گہمی ٹرمپ کے صدر منتخب ہونے کے بعد ختم ہوگئی تاہم الیکشن مہم میں دولت پانی کی طرح بہائی گئی۔
دنیا کے سب سے طاقتور ملک امریکا میں صدارتی انتخابات پر پوری دنیا ہی کی توجہ مرکوز تھی۔ نہ صرف اپنی سیاسی اہمیت بلکہ خرچ کے حساب سے بھی یہ سب سے بڑا الیکشن رہا جس میں پیسہ پانی کی طرح بہایا گیا۔
امریکی میڈیا کے مطابق صدارتی الیکشن 2024 کی انتخابی مہم کے دوران امیدواروں نے اپنی انتخابی مہم پر تقریباً 16 ارب ڈالر خرچ کر دیے۔
- Advertisement -
امریکی صدارتی انتخاب 2024
رپورٹ کے مطابق انتخابی مہم میں اخراجات کا بڑا حصہ 10 ارب 50 کروڑ ڈالر اشتہارات کی مد میں خرچ کیا گیا۔
انتخابی مہم کے دوران کاملا ہیرس نے ایک ارب ڈالر جب کہ ٹرمپ نے فنڈز سے 382 ملین ڈالر اکٹھا کیے۔ اضافی 694 ملین ڈالر متعلقہ کمیٹیوں سے وصول کیے گئے۔
