امریکا میں ڈونلڈ ٹرمپ کی کامیابی کے چند گھنٹوں بعد یورپ کی سب سے بڑ ی معیشت میں سیاسی افراتفری پھیل گئی ہے، جرمنی میں حکومت کا تین جماعتوں پر مشتمل مخلوط اتحاد ٹوٹ گیا۔
اپوزیشن نے چانسلر اولاف شولس سے اتعماد کا ووت لینے کا مطالبہ کر دیا، جرمن چانسلر اولاف شولس نے اپنے وزیر خزانہ کو اقتصادی امور پر اختلافات کے سبب یہ کہہ کر برطرف کر دیا کہ انہیں وزیر خزانہ کرسٹیان لنڈنر پر بھروسہ نہیں رہا۔
اس اعلان کے فوری بعد ایف ڈی پی فری ڈیموکریٹک پارٹی نے شولس کی کابینہ میں شامل اپنے تمام وزرا کے استعفے سونپ دیے اور حکومت سے ا تحاد ختم کر دیا۔
- Advertisement -
جرمن چانسلر اولاف شولس کا کہنا کہ وہ آئندہ برس جنوری میں اعتماد کا ووٹ حاصل کریں گے، ناکامی کی صورت میں امرچ 2025 میں قبل از وقت نئے عام انتخابات ہونے کا بھی امکان ہے۔
