شوبز انڈسٹری کی معروف اداکارہ ژالے سرحدی کی مزاحیہ ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ ژالے سرحدی نے دلچسپ ویڈیو شیئر کی جس میں وہ ’ارینج میرج‘ سے متعلق جملے پر لپسنگ کررہی ہیں۔
View this post on Instagram
انہوں نے ویڈیو شیئر کرتے ہوئے کیپشن میں لکھا کہ ’جب گُرو جی نے لائیو رشتہ کروادیا‘۔
ویڈیو میں گُرو جی پوچھتے ہیں، کتنے سال کے ہو آپ، جس پر ژالے سرحدی کہتی ہیں میں 28 سال کی ہوں اور 30 اکتوبر کو 29 سال کی ہوجاؤگی، گُرو جی کہتے ہیں اب جلد کرلو شادی اب لیٹ نہ کرو‘۔
ژالے سرحدی ویڈیو میں کہتی ہیں کہ کوئی لڑکا ملے گا تبھی تو آپ بتا دو کوئی ہے تو، گرو جی کہتے ہیں آپ فکر نہ کرو آپ یوٹیوب پر فیمس ہوگئیں اب جلدی شادی ہوجائے گی آپ کو لڑکے مل جائیں گے‘۔
انہوں نے چند گھنٹوں قبل یہ ویڈیو شیئر کی جسے ہزاروں کی تعداد میں مداح دیکھ چکے ہیں اور اس پر دلچسپ تبصرے بھی کیے جارہے ہیں۔
اس سے قبل ژالے سرحدی کی بھارتی گانے ’آس کوڑا‘ پر پرفارم کرنے کی ویڈیو سوشل میڈیا پر وائرل ہوگئی تھی۔
انہوں نے ویڈیو شیئر کرتے ہوئے کیپشن میں لکھا تھا کہ ’میں یہ ڈانس ٹرینڈ کرنا چاہتی تھی اور اس گانے کی خوبصورتی یہ ہے کہ میں اسے بیٹھ کر بھی پرفارم کرسکتی ہوں۔‘
واضح رہے کہ ژالے سرحدی نے اے آر وائی ڈیجیٹل کے سپر ہٹ ڈرامہ سیریل ’پنجرہ‘ میں اداکاری کے جوہر دکھائے تھے۔
