عمان کی الشوریٰ کونسل کے اقتصادی اور مالیاتی کمیٹی کے چیئرمین احمد الشرقی نے بتایا ہے کہ کن افراد کو ٹیکس سے استثنیٰ دیا جائے گا۔
الشوریٰ کونسل کے چیئرمین الشرقی کا کہنا ہے کہ ان افراد کو انکم ٹیکس سے استثنیٰ دیا جائے گا جو ماہانہ پچیس سو ریال یا تیس ہزار ریال سالانہ سے کم تنخواہ وصول کرتے ہیں۔
الشرقی کا کہنا تھا کہ ہم نے انفرادی انکم ٹیکس قانون کے مسودے کے 29 سے زیادہ آرٹیکلز میں ترمیم کی ہے۔
- Advertisement -
انہوں نے بتایا کہ انکم ٹیکس ان لوگوں پر لاگو ہوتا ہے جن کی سالانہ آمدنی تیس ہزار ریال سے زائد ہے۔
الشرقی نے بتایا کہ انفرادی انکم ٹیکس کے حوالے سے مسودہ قانون کا مطالعہ کیا گیا ہے اور اس کے فوائد اور نقصانات کا تجزیہ کیا گیا ہے۔
انہوں نے کہا کہ ملک میں لوگوں کا ایک بڑا طبقہ ہے جو ٹیکس سے مستثنیٰ ہے۔
