نیویارک :واٹس ایپ موبائل کی ایک بڑی مسیجنگ سروس ہے، اس سروس کے بیشتر صارفین طویل عرصے سے اس کا ڈیسک ٹاپ کمپیوٹر فیچر کا مطالبہ کررہے تھے تاکہ وہ موبائل کو چھوڑنے کے بعد بھی اس مسیجنگ سروس کے ساتھ جڑے رہ سکیں۔
واٹس ایپ نے آخر کار اپنا ویب ورژن متعارف کرادیا ہے تاہم اس میں صارفین کو کافی حد تک محدود رکھا گیا ہے جن کو جاننا کافی مفید ثابت ہوگا۔
واٹس ایپ کے ویب ورژن کی خامی یہ ہے کہ اس میں موبائل فون کا انٹرنیٹ سے کنکٹ ہونا لازمی ہے، اپنے اسمارٹ فون کو واٹس ایپ کے ویب ورژن سے کیو آر کوڈ امیج کے ذریعے منسلک کرنے کے بعد ہی آپ پیغامات کو اپنے براﺅزر کے ذریعے بھیج اور موصول کرسکیں گے، اگر آپ کے فون کی چارجنگ ختم ہو جائے یا فون ڈیٹا کنکشن سے محروم ہوجائے تو واٹس ایپ کا آف لائن ورژن بھی آف لائن ہوجائے گا، ویب ورژن کے استعمال کیلئے آپ کو فون مسلسل انٹرنیٹ سے کنکٹ رکھنا ضروری ہے۔
واٹس ایپ ویب ورژن صرف گوگل کروم پر ہی کام کرتا ہےکے علاوہ کسی اور براﺅزر پر نہیں چلتا تو اگر آپ کے کمپیوٹر پر کوئی اور براؤزر مثلا فائرفوکس یا انٹرنیٹ ایکسپلورر ہیں تو آپ اس ورژن کا استعمال ہی نہیں سکتے۔
واٹس ایپ کے ویب ورژن میں ایک اور مسئلہ یہ ہے کہ اگر آپ تو گوگل کروم استعمال کررہے ہیں لیکن جس کو پیغامات بھیج رہے ہیں وہ اس براﺅزر کو استعمال نہیں کرتا تو بھی یہ سروس بیکار ثابت ہوتی ہے۔
یہ ورژن ایپل ڈیوائسز آئی او ایس کو سپورٹ نہیں کرتا، واٹس ایپ کے مطابق فی الحال وہ آئی او ایس صارفین کو ویب ورژن کی سہولت فراہم کرنے سے قاصر ہے جس کی وجہ ایپل کے پلیٹ فارم کا محدود ہونا ہے۔
تاہم مستقبل میں آئی فون صارفین کے لیے یہ ویب ورژن متعارف کرایا جاسکتا ہے تاہم ابھی اپنے آئی فون پر اس سروس کو استعمال کرنے کے لیے آپ کو ہر بار اس کے موبائل ورژن کا ہی استعمال کرنا ہوگا چاہے آپ کمپیوٹر کے سامنے ہی کیوں نہ بیٹھے ہو۔
یہ ورژن کا استعمال کرتے ہوئے آپ صارفین بلاک نہیں کرسکتے
صارفین کو بلاک کرنے کے لیے آپ کو واٹس ایپ کی موبائل اپلیکشن کی ضرورت ہوگی، اس سروس میں اسپام مسیجز کی تعداد کافی ہوتی ہے اور ان سے نمٹنے کا واحد طریقہ بلاک کرنا ہی ہوتا ہے مگر بدقسمتی سے ویب ورژن بھی بلاک کا کوئی فیچر ہی موجود نہیں۔
