سیکیورٹی فورسز کی شمالی وزیرستان کے علاقے میں انٹیلی جنس بیسڈ آپریشن کے دوران 6 خواج ہلاک ہوگئے جبک 6 زخمی ہوگئے۔
تفصیلات کے مطابق سیکورٹی فورسز نے خوارج کی موجودگی کی اطلاع پر شمالی وزیرستان کے علاقے اسپن وام میں انٹیلی جنس بیسڈ آپریشن کیا، آپریشن کے دوران 6 خوارج مارے گئے جبکہ چھ خوارج زخمی ہوئے۔
آئی ایس پی آر کے مطابق آپریشن کے دوران ہلاک خوارج کے قبضے سے اسلحہ اور گولہ بارود بھی برآمد ہوا، ہلاک خوارج سیکیورٹی فورسز کے خلاف دہشت گردی کی متعدد کارروائیوں سمیت معصوم شہریوں کے قتل میں بھی ملوث تھے۔
- Advertisement -
آئی ایس پی آر کے مطابق علاقے میں پائے جانے والے کسی ممکنہ خارجی کے خاتمے کے لئے سینیٹائزیشن آپریشن بھی کیا گیا، سیکیورٹی فورسز ملک سے دہشت گردی کی لعنت کو ختم کرنے کے لئے پرعزم ہیں۔
