بھارت کے شہر حیدرآباد کے جوبلی ہلز میں زوردار دھماکے کے نتیجے خوف و ہراس پھیل گیا۔
بین الاقوامی خبر رساں ادارے کی رپورٹ کے مطابق حیدرآباد کے جوبلی ہلز روڈ نمبر 1 پر ”تلنگانہ اسپائس کچن”نامی ایک ہوٹل واقع ہے۔ اس میں موجود فریج کا کمپریسر اچانک زور دار دھماکے سے پھٹ گیا۔
دھماکے کے باعث ہوٹل کی دیوار بھی گر گئی، پتھر اور ملبہ اڑ کر تقریباً 100 میٹر دور تک جا کر گرا، جس سے چار جھگیاں تباہ ہوگئیں اور کئی برقی کھمبے بھی ٹوٹ گئے۔ جبکہ خاتون سمیت متعدد افراد زخمی بھی ہوئے ہیں۔
جوبلی ہلز پولیس اطلاع ملنے پر جائے حادثہ پر پہنچی اور معائنہ کیا۔ ڈی سی پی وجئے کمار اور جوبلی ہلز اے سی پی وینکٹگیری نے ہوٹل کے منتظمین سے گفتگو کی، تاہم ہوٹل کے منتظمین نے میڈیا کو اندر جانے کی اجازت دینے سے انکار کردیا، جس کے سبب اس واقعے پر کئی سوالات اٹھ رہے ہیں۔
قبل ازیں بھارت میں اتر پردیش میں واقع پٹاخے کی فیکٹری میں زوردار دھماکہ ہوا جس کے نتیجے میں 5 افراد جاں بحق ہوگئے۔
میڈیا رپورٹس کے مطابق پٹاخے کے مذکورہ فیکٹری ضلع بریلی میں غیرقانونی طور پر چل رہی تھی جو کہ ایک رہائشی مکان میں واقع تھی، حادثہ بدھ کی شام پیش آیا، دھماکے کی وجہ سے پٹاخہ فیکٹری سمیت آس پاس کے تقریباً 8 مکانات بھی گر پڑے۔
اس دھماکہ کے نتیجے میں 5 افراد موت کے منہ میں چلے گئے جبکہ کچھ لوگ شدید زخمی ہوئے، دھماکہ اتنا زوردار تھا کہ اسکی آواز سن کر علاقہ میں دہشت پھیل گئی
موت کا خوف، نیتن یاہو کا دفتر تہہ خانے میں منتقل
بھارتی میڈیا نے بتایا کہ سرولی تھانہ علاقہ کے کلیان پور گاؤں میں ناجائز طور پر ایک پٹاخہ فیکٹری چل رہی تھی، اس پٹاخہ فیکٹری کے آس پاس رہائشی مکانات بھی بنے ہوئے تھے جس میں لوگ مقیم تھے۔
