لاہور : آرگنائزڈ کرائم یونٹ اقبال ٹاؤن اور مسلح ملزمان میں فائرنگ کا تبادلہ ہوا ہے اس دوران انتہائی خطرناک شوٹر اور اجرتی قاتل اعظم اپنے ہی ساتھیوں کی فائرنگ سے ہلاک ہوگیا۔
اے آر وائی نیوز لاہور کے نمائندے خواجہ رمضان کے مطابق پولیس حکام کا کہنا ہے کہ پولیس کا عملہ اجرتی قاتل ملزم اعظم کو ساتھیوں کی گرفتاری اور آلہ قتل کی برآمدگی کیلئے کاہنہ لے کر جارہا تھا۔
ڈی ایس پی او سی یو ماڈل ٹاؤن کے مطابق نامعلوم ملزمان نے اپنے ساتھی کو چھڑانے کیلئے پولیس پارٹی پر فائرنگ کی، اپنے ہی ساتھیوں کی فائرنگ سے اجرتی قاتل اعظم شدید زخمی ہوگیا، جسے اسپتال منتقل کیا جارہا کہ راستے میں ہی دم توڑ گیا۔
پولیس کے مطابق ہلاک ہونے والا ملزم قتل، اقدام قتل سمیت دیگر سنگین اور خطرناک وارداتوں میں ملوث تھا
ملزمان کی فائرنگ سے پولیس اہلکار معجزانہ طور پر محموظ رہے۔
ہلاک ہونے والے اجرتی قاتل کے ساتھی اندھیرے کا فائده اٹھاتے ہوئے فرار ہونے میں کامیاب ہوگئے، فرار ملزمان کی گرفتاری کیلئے پولیس کا علاقے میں سرچ آپریشن جاری ہے۔
یاد رہے کہ اس سے قبل بھی 6 نومبر کو لاہور میں آرگنائزڈ کرائم یونٹ ڈیفنس اور ڈاکوؤں کے درمیان فائرنگ کا تبادلہ ہوا تھا میں اجرتی قاتل محمد ریاض اپنے ہی ساتھیوں کی فائرنگ سے ہلاک ہوگیا تھا، پولیس کے مطابق ملزم ریکوری کے لیے لے جاتے ہوئے چھڑانے کی کوشش کے دوران گولیاں لگنے سے ہلاک ہوا۔
