اسلام آباد : بانی پی ٹی آئی نے اسلام آباد میں فائنل احتجاج کی تاریخ کا اعلان کردیا، علیمہ خان نے احتجاج کی تاریخ کے حوالے سے بتایا۔
تفصیلات کے مطابق تحریک اںصاف کے بانی کی ہمشیرہ علیمہ خان نے میڈیا سے گفتگو کرتے ہوئے کہا کہ بانی پی ٹی آئی عمران خان نے اسلام آباد میں فائنل احتجاج کیلئے 24 نومبر کی کال دے دی۔
ان کا کہنا تھا کہ 9 فروری کو مینڈیٹ چوری کرکے گنے چنے لوگوں کو دے دیا گیا ، ان لوگوں کو قومی اسمبلی میں بٹھا کر وہ کیا گیا جو دل چاہتا تھا، 26 ویں ترمیم کے ذریعے عوام کے حقوق چھین لئے گئے ہیں۔
- Advertisement -
دوسری جانب وزیراعلیٰ علی امین گنڈاپور نے اپنے بیان میں کہا ہے کہ احتجاج کے لئے تیاریاں مکمل ہیں، علیمہ خان نے تاریخ کا اعلان کر دیا ہے، اس بار کوئی واپسی نہیں ہے ، جب تک مطالبات پورے نہیں ہوتے واپسی نہیں ہوگی۔
