سعودی عرب کے القصیم ریجن میں سیکیورٹی فورس کارروائی کرتے ہوئے لڑکی کو ہراساں کرنے پر ایک غیرملکی کو حراست میں لے لیا۔
سعودی خبررساں ادارے ’ایس پی اے‘ کے مطابق سیکیورٹی فورس نے بتایا کہ بھارتی شہری اسلام علی خان نے لڑکی کو ہراساں کیا تھا جس کے بعد اسے گرفتار کرلیا گیا۔
سیکیورٹی فورس نے اس حوالے سے تمام تفصیلات اپنے ایکس (ٹوئٹر) اکاؤنٹ پر شیئر کی ہیں اور کہا ہے کہ تمام قانونی کارروائی کے بعد اسے پبلک پراسیکیوشن کے حوالے کردیا گیا۔
سیکیورٹی فورس کے مطابق ہراساں کرنے، چھیڑ خانی اوراسی طرح کے دیگر کیسز میں گرفتار کیے جانے والوں کے بارے میں تمام تفصیلات سے میڈیا کوآگاہی فراہم کی جائے گی۔
اس سے قبل بھی سعودی عرب میں خاتون کو ہراساں کرنے پر سیکیورٹی فورس نے بھارتی شہری کو گرفتار کرلیا تھا۔
الاحساء گورنریٹ کی پولیس کے مطابق بھارتی شہری دلاور کو الشرقیہ میں گرفتار کرلیا گیا ہے۔ حراست میں لئے گئے شخص کے خلاف شکایت تھی کہ اس نے خاتون کو ہراساں کیا ہے۔
ایک اور بھارتی شہری بڑے جرم میں گرفتار
پولیس کی جانب سے اپنے سوشل میڈیا اکاؤنٹ ایکس (ٹوئٹر) پر اس بارے میں ویڈیو بھی شیئر کی گئی ہے اور کہا ہے کہ بھارتی شہری کے خلاف قانونی کارروائی کے بعد اسے پبلک پراسیکیوشن کے سپرد کردیا گیا ہے۔
