شوبز انڈسٹری کی ابھرتی ہوئی اداکارہ ایمن سلیم کے ہاں ننھے مہمان کی آمد متوقع ہے۔
اداکارہ ایمن سلیم نے پہلے بچے کی پیدائش سے قبل فوٹو شوٹ کروایا جس کی تصاویر انہوں نے انسٹاگرام پر شیئر کیں۔
ایمن سلیم برطانیہ میں فیملی اور شوہر کامران ملک کے ساتھ مقیم ہیں۔
View this post on Instagram
انہوں نے چند گھنٹوں قبل یہ پوسٹ شیئر کی جسے ہزاروں کی تعداد میں مداح اور ساتھی اداکار دیکھ چکے ہیں اور انہیں پیشگی مبارکباد دے رہے ہیں۔
انہیں مبارک باد دینے والی اداکاراؤں میں ایمن خان، حرا مانی، منال خان، سدرہ نیازی شامل ہیں۔
View this post on Instagram
واضح رہے کہ اداکارہ نے رمضان ٹرانسمیشن میں نشر ہونے والے ڈراموں سے شہرت حاصل کی اور مداحوں کی جانب سے ان کی اداکاری کو سراہا گیا تھا۔
ایمن سلیم گزشتہ سال دسمبر میں کامران ملک کے ساتھ رشتہ ازدواج میں منسلک ہوئیں جس کی تصاویر سوشل میڈیا پر وائرل ہوگئی تھیں۔
اداکارہ کے انسٹاگرام پر فالوورز کی تعداد 1.3 ملین ہے اور وہ اکثر شوہر کے ساتھ تصاویر شیئر کرتی رہتی ہیں، یاد رہے کہ ایمن سلیم سابق قومی ٹیسٹ کرکٹر سلیم یوسف کی صاحبزادی ہیں۔
