ملتان : عمرے کی آڑ میں بھیک مانگنے کیلئے سعودی عرب جانے والے 9 مسافر کو گرفتار کرلیا گیا ،ملزمان کاتعلق لیہ،بھکر،ملتان اورسرگودھا سے ہے۔
تفصیلات کے مطابق ملتان ایئرپورٹ پر ایف آئی اے نے کارروائی کرتے ہوئے عمرے کی آڑ میں بھیک مانگنےکیلئےسعودی عرب جانےوالے9مسافروں کوگرفتار کرلیا،مسافروں میں سات خواتین شامل ہیں۔
ڈی جی ایف آئی اے نے بتایا کہ مسافرملتان ایئرپورٹ سے عمرےکی آڑمیں سعودی عرب جارہے تھے۔، ملزمان کا تعلق لیہ، بھکر، ملتان اور سرگودھا سے ہے
ملزمان پہلےبھی سعودی عرب جاچکےتھے، ان کی ہوٹل بکنگ بھی نہیں تھی تاہم ملزمان کو کارروائی کیلئے اینٹی ہیومن ٹریفکنگ سرکل ملتان منتقل کردیا ہے ، ملزمان کےپاسپورٹس بھی بلیک لسٹ کیےجائیں گے.
یاد رہے اس سے قبل بھی ایف آئی اے امیگریشن نے کراچی ایئرپورٹ پر کارروائی کرتے ہوئے عمرے کی آڑ میں بھیک مانگنے کے غرض سے جانیوالے 11 مسافرون کو گرفتار کیا تھا۔
ایف آئی اے نے بتایا تھا کہ 8 خواتین سمیت 11 مسافروں کو آف لوڈ کر دیا گیا، ملزمان عمرے ویزے پر سعودی عرب جا رہے تھے، ملزمان کی جانب سے پیش کیے جانے والے ریٹرن ٹکٹ اور ہوٹل بکنگ بھی جعلی نکلے۔
