لاہور : کئی روز سے پنجاب کی فضا کو آلودہ اور شہریوں کو انتہائی پریشان کن صورتحال سے دوچار کرنے والی دھند کی شدت میں کمی آگئی۔
اے آر وائی نیوز کی رپورٹ کے مطابق شمالی علاقوں سے آنے والی تیز اور سرد ہواؤں نے پنجاب کی گرد آلود فضا کو صاف کردیا۔
لاہور میں ہوائیں چلنے سے دھند اور اسموگ کی شدت میں کمی کا باعث بن رہی ہیں، جس میں مزید کمی آنے کا امکان ہے،
عالمی ماحولیاتی ویب سائٹ اے کیو آئی کی رپورٹ کے مطابق لاہور شہر کا ائیر کوالٹی انڈیکس369ریکارڈ کیا گیا ہے۔
اے کیو آئی کا کہنا ہے کہ لاہور دنیا کے آلودہ ترین شہروں میں پہلے سے دوسرے نمبر پر آگیا ہے جبکہ اس کی جگہ بھارت کا ائیر کوالٹی انڈیکس864ریکارڈ کیا گیا ہے جس کے بعد نئی دہلی دنیا کا آلودہ شہر قرار دیا گیا ہے۔
ویب سائٹ کے مطابق لاہور کے مختلف علاقوں میں بھی اسموگ اوردھند کی شدت میں کمی ریکارڈ کی گئی ہے،
عالمی ویب سائٹ اے کیو آئی کا کہنا ہے کہ لاہور میں سی ای آر پی آفس کے اطراف ائیرکوالٹی انڈیکس495ریکارڈ کیا گیا۔
رپورٹ کے مطابق جیل روڈ کے گرد فضائی آلودگی کی شدت412ریکارڈ، مال روڈ کے علاقے میں 427جوہر ٹاؤن کا اے کیو آئی372ریکارڈ کیا گیا ہے۔
