کراچی : اینٹی نارکوٹکس فورس (اےاین ایف)، پاک بحریہ اور پاکستان میری ٹائم سیکیورٹی ایجنسی نے مشترکہ گرینڈ آپریشن کرکے اربوں روپے مالیت کی منشیات اسمگل کرنے کی کوشش ناکام بنا دی۔
اے آر وائی نیوز کی رپورٹ کے مطابق سو ملین ڈالر مالیت کی منشیات کی بڑی کھیپ اسمگل کرنے کی کوشش کو ناکام بنادیا گیا ہے۔
اس حوالے سے اینٹی نارکوٹکس فورس ترجمان کا کہنا ہے کہ شمالی بحیرہ عرب میں خفیہ اطلاع پرگرینڈ آپریشن کیا گیا، دوکشتیوں میں871کلو چرس،91کلو کرسٹل اسمگل کی جارہی تھی۔
ترجمان اےاین ایف کے مطابق مشترکہ ٹیموں کی جانب سے اب مشکوک کشتیوں کا پیچھا کیا گیا، منشیات کو عالمی منڈی تک پہنچانے کی کوشش کی جارہی تھی۔
دو کشتیوں پر سوار ملزمان اے این ایف کے عملے کو دیکھتے ہی چوکنّے ہوگئے، منشیات فروش ایک کشتی چھوڑ کر دوسری میں بیٹھ کر فرار ہوگئے۔
اے این ایف حکام کے مطابق مجموعی طور پر برآمد ہونے والی منشیات کی عالمی منڈی میں قیمت28ارب روپے سے زائد ہے۔
