اسلام آباد : بجلی صارفین بھاری بل ادا کرنے کے لیے تیار ہوجائیں کیونکہ بجلی مزید مہنگی ہونے کا امکان ہے۔
تفصیلات کے مطابق کراچی سمیت ملک بھر کیلئے سہہ ماہی ایڈجسٹمنٹ میں بجلی مہنگی ہونے کا امکان ہے ، بجلی تقسیم کارکمپنیوں کی درخواست پر نیپرا کل سماعت کرے گا۔
بجلی صارفین سے8 ارب 72کروڑ روپے وصول کرنے کی درخواست کی گئی ، درخواست رواں مالی سال کی پہلی سہ ماہی ایڈجسٹمنٹ کی مد میں جمع کرائی گئی۔
نیپرا نے بتایا کہ کپیسٹی چارجزکی مد میں 8 ارب 6 کروڑ روپے مانگے گئے ہیں، آپریشنز اینڈ مین ٹیننس مد میں 1 ارب 25 کروڑ روپے مانگے گئے ہیں۔
Currency Rates in Pakistan Today- پاکستان میں آج ڈالر کی قیمت
سسٹم چارجز اور مارکیٹ آپریشنز فیس مد میں ایک ارب 65 کروڑ روپے کی درخواست کی گئی ہے۔
اس وقت گذشتہ مالی سال کی آخری سہہ ماہی ایڈجسٹمنٹ کی وصولی ہورہی ہے، ملک بھر کے بجلی صارفین سہ ماہی ایڈجسٹمنٹ میں 1.74 روپے فی یونٹ ادا کررہے ہیں تاہم گزشتہ مالی سال کی آخری سہہ ماہی ایڈجسٹمنٹ کی وصولی رواں ماہ ختم ہو جائے گی۔
