قومی ٹیم کے اوپنر امام الحق نے ساتھی کرکٹر اور سابق کپتان بابر اعظم کے حق میں پوسٹ شیئر کی جو وائرل ہوگئی۔
آسٹریلیا کے خلاف ون ڈے اور ٹی 20 سیریز میں بابر اعظم ناکام ثابت ہوئے جس پر انہیں شائقین کرکٹ کی جانب سے گراؤنڈ میں تنقید کا نشانہ بنایا گیا تھا اور ویڈیو سوشل میڈیا کی زینت بن گئی تھی۔
کچھ تماشائی آسٹریلیا کیخلاف دوسرے ٹی 20 میں فیلڈ پر موجود بابر پر تنقید کرتے ہیں۔
شائقین کرکٹ نے بابر کو آواز لگائی اور کہا کہ ‘ اوئے اوئے کوئی شرم کرلے، تیری ٹی ٹوئنٹی ٹیم میں جگہ نہیں بنتی، واپس لاہور چلا جا’۔
View this post on Instagram
بابر اعظم نے بدتمیزی کرنے والے تماشائیوں کی جانب دیکھا تھا اور خاموشی اختیار کرلی تھی
تاہم اب امام الحق نے وہی ویڈیو پوسٹ کی اور ساتھ لکھا کہ’ہم بحیثیت قوم فیل ہوچکے ہیں، سپورٹ کرنے کی بجائے مذاق اڑایا جاتا ہے، بابر آپ اب بھی چیمپئن ہیں’۔
واضح رہے کہ پاکستان نے آسٹریلیا کے خلاف 22 سال بعد ون ڈے سیریز جیتی تھی جبکہ اسے کینگروز کے خلاف ٹی ٹوئنٹی سیریز میں وائٹ واش کی ہزیمت سہنا پڑی تھی۔
