بھارت کی سابق ٹینس اسٹار ثانیہ مرزا کا پاکستان کے سابق ٹیسٹ کرکٹر آصف اقبال سے بھی قرابت کا ایک رشتہ ہے۔
بھارت کی عالمی شہرت یافتہ ٹینس اسٹار ثانیہ مرزا کا یوں تو پاکستان سے متعلق ایک حوالہ سابق قومی کپتان شعیب ملک ہیں جو 13 سال تک شادی کے بندھن میں بندھے رہنے کے بعد حال ہی میں کچھ عرصہ قبل ہی علیحدگی اختیار کی ہے۔
تاہم ثانیہ مرزا کا ایک اور سابق قومی ٹیسٹ کرکٹر آصف اقبال سے بھی قریبی رشتے داری ہے جس کا بہت کم لوگوں کو علم ہے۔
پاکستان کرکٹ ٹیم کے سابق کپتان آصف اقبال کی پیدائش ثانیہ مرزا کے شہر حیدرآباد دکن میں ہوئی اور وہ رشتے میں انکے چچا لگتے ہیں۔
آصف اقبال تقسیم ہند کے بعد کراچی چلے آئے اور کرکٹ کے میدان میں قدم رکھنے کے بعد کپتانی کے منصب تک بھی پہنچے۔
دوسری جانب ثانیہ مرزا نے ٹینس میں اپنا نام کمایا۔ انہوں نے 2010 میں پاکستان کے سابق آل راؤنڈر وکپتان شعیب ملک سے شادی کی جن سے ان کا ایک بیٹا اذان بھی ہے۔
تاہم یہ شادی 13 سال بعد اس وقت ختم ہو گئی جب شعیب ملک نے پاکستانی ماڈل اور اداکارہ ثنا جاوید سے شادی کی تو یہ عقدہ کھلا کہ ثانیہ مرزا خلع لے چکی ہیں۔
