بالی ووڈ کی معروف اداکارہ مادھوری ڈکشٹ نے ڈاکٹر شری رام نینے سے شادی کے بعد فلمی دنیا کو خیرباد کرنے کی وجہ بتادی۔
بالی ووڈ کی معروف اداکارہ و ڈانسر مادھوری ڈکشٹ نے 1999 میں ڈاکٹر شری رام نینے سے شادی کے بعد اپنے عروج کے دور میں فلمی دنیا کو خیرباد کہہ دیا تھا اور اپنے شوہر کے ہمراہ امریکا منتقل ہو گئیں۔
اس حوالے سے حال ہی میں مادھوری نے ایک انٹرویو میں شادی کے بعد زندگی اور فلمی دنیا سے وقفے کے بارے میں کھل کر اپنے خیالات کا اظہار کیا۔
اداکارہ نے انٹرویو میں کہا کہ میرے لیے اپنی پیشہ ورانہ زندگی اور عوامی توجہ اہم نہیں تھی، بلکہ میں نے ہمیشہ اپنے خوابوں کو ترجیح دی، شادی اور بچے میری زندگی کا بڑا حصہ تھے، مجھے کبھی ایسا نہیں لگا کہ میں کچھ کھو رہی ہوں کیونکہ میں اپنے خواب جی رہی تھی۔
ڈاکٹر شری رام نینے نے بھی اپنی شادی پر تبصرہ کرتے ہوئے کہا میں نے بھی مادھوری کو کبھی سپر اسٹار کی حیثیت سے نہیں دیکھا، بلکہ وہ میری بیوی اور زندگی کی ساتھی ہیں، ہم دونوں مختلف دنیا سے آئے تھے لیکن ہمارا پس منظر ایک جیسا تھا، یہ میری زندگی کی سب سے خوبصورت بات ہے۔
واضح رہے کہ اداکارہ مادھوری ڈکشٹ نے 2011 میں بھارت واپسی کے بعد کئی کامیاب فلموں میں کام کیا، جبکہ متعدد ریئلٹی شوز میں جج کے طور پر بھی نظر آئیں۔
