ضلع لوئر کرم میں مسافر گاڑیوں پر نامعلوم افراد کی فائرنگ سے 38 افراد مارے گئے جبکہ متعدد افراد زخمی ہوگئے جن کی حالت تشویشناک بتائی جارہی ہے۔
پولیس کے مطابق صوبہ خیبر پختونخوا کے ضلع لوئر کرم میں پاراچنار جانیوالی مسافر گاڑیوں پر نامعلوم افراد کی فائرنگ سے 6 خواتین سمیت 38 افراد جاں بحق ہوگئے جبکہ متعدد افراد زخمی ہیں۔
ڈی پی او اور ڈپٹی کمشنر جائے وقوعہ پر پہنچ گئے، ترجمان ڈی پی او احسان اللہ کا کہنا ہے کہ قافلوں میں مسافر گاڑیوں کی بڑی تعداد موجود تھی۔
- Advertisement -
واقعے کی اطلاع ملتے ہی ریسکیو رضا کار اور قانون نافذ کرنے والے ادارے جائے وقوع پر پہنچ گئے اور امدادی کاموں کا آغاز کردیا گیا ہے، دوسری جانب زخمی افراد کو طبی امداد کی فراہمی کے لیے فوری طور پر اسپتال منتقل کردیا گیا۔
