گوجرانوالہ میں بانی پی ٹی آئی کی اہلیہ بشریٰ بی بی کے خلاف تیسرامقدمہ درج کیا گیا، ایف آئی آر کا اندراج پیکا ایکٹ کے تحت کیا گیا۔
پولیس نے بتایا کہ تھانہ گگھڑ منڈی میں شہری سعید بٹ کی مدعیت میں مقدمہ درج کیا گیا، مقدمہ پیکا ایکٹ کی دفعات کے تحت درج کیا گیا، بشریٰ بی بی نے پاکستان اور سعودی عرب کی جذباتی وابستگی کو ٹھیس پہنچائی۔
بانی پی ٹی آئی کی اہلیہ کے خلاف درج کی جانے والی ایف آئی آر کے متن میں کہا گیا کہ بشریٰ بی بی نے اشتعال انگیزبیان دیکر 2 ممالک کے تعلقات پر ضرب لگائی۔
- Advertisement -
متن میں کہا گیا کہ بشری ٰبی بی کے بیان سے مذہبی منافرت کو ہوا ملی، پولیس کا کہنا ہے کہ گرفتاری کیلئے چھاپے ماررہے ہیں، جلد گرفتار کرلیا جائےگا۔
