کراچی کے علاقے سرجانی ٹاؤن لیاری باون میں نامعلوم افراد کی فائرنگ سے شہری کے جاں بحق ہونے کا واقعہ پیش آیا ہے۔
اس حوالے سے پولیس حکام کا کہنا ہے کہ مقتول کی شناخت محمد خالد کے نام سے ہوئی ہے جو سرجانی ٹاؤن خدا کی بستی کا رہائشی تھا۔
مقتول محمد خالد کے بھائی اور چچا کی اے آر وائی نیوز سے بات چیت کرتے ہوئے کہا کہ 25 سالہ محمد خالد مدرسے میں بچوں کو پڑھاتا تھا اس کی ڈیڑھ سال قبل شادی ہوئی تھی۔
- Advertisement -
مقتول کے بھائی واجد کا کہنا تھا کہ محمد خالد8بہن بھائیوں میں سب سے چھوٹا تھا،گھر سے سودا سلف لینے بازار گیا تھا۔ اہل محلہ نے گھر پر خالد کو گولی لگنے کی اطلاع دی۔
مقتول کے چچا نے بتایا کہ خالد کے والدین نہیں ہیں، میں نے ہی ان سب بچوں کی پرورش کی، ہماری کسی سے کوئی دشمنی نہیں ہے، خالد سے کچھ نہیں چھینا گیا۔
