بھارت کے مایہ ناز بیٹر ویرات کوہلی کی سوشل میڈیا پوسٹ نے مداحوں کو افسردہ کردیا۔
بھارتی میڈیا رپورٹ کے مطابق ویرات کوہلی اور انوشکا شرما کرکٹ اور شوبز کی بہترین جوڑی ہے تاہم دونوں کے مداحوں کو اس وقت منی ہارٹ اٹیک ہوا جب ویرات نے پوسٹ شیئر کی جس کے بارے میں مداحوں کا خیال تھا کہ یہ طلاق کا اعلان ہے۔
ویرات کی یہ پوسٹ ایک دن بعد سامنے آئی ہے جب اے آر حمان کی اہلیہ سائرہ بانوں نے شوہر سے علیحدگی کا اعلان کیا تھا۔
اسٹار بیٹر کی جانب سے کی گئی پوسٹ میں لکھا تھا ’پیچھے دیکھیں تو ہم ہمیشہ مختلف تھے، ہم کسی سانچے میں نہیں ڈھلے جس میں ہمیں ڈھالنا چاہا گیا، دو غلط لوگ جو ایک ہوگئے‘۔
پوسٹ میں بظاہر مردوں پر بات کی جارہی ہے اور یہ کہ کیسے دنیا کی پرواہ کیے بغیر غلط ہوتے ہوئے بھی، اتار چڑھاؤ کا سامنا کرتے ہوئے بھی زندگی میں آگے بڑھا جاسکتا ہے۔
ویرات کوہلی کی پوسٹ کو نٹیزن نے طلاق سمجھ لیا اور ایک صارف نے لکھا کہ ’مجھے لگا اے آر رحمان ٹائپ کچھ ہے۔‘
دوسرے صارف نے لکھا کہ ’اس پوسٹ نے مجھے منی ہارٹ اٹیک دیا۔‘
ویرات کوہلی کے مستقبل کے بارے میں قیاس آرائیاں کچھ عرصے سے گردش کر رہی ہیں، خاص طور پر ان افواہوں کے بعد کہ کرکٹر انوشکا شرما اور ان کے دو بچوں وامیکا اور آکائے کے ساتھ لندن منتقل ہونے کا ارادہ رکھتے ہیں۔
لندن میں اپنے دوسرے بچے کا استقبال کرنے والا یہ جوڑا مبینہ طور پر اپنے بچوں کو بالی ووڈ کی توجہ اور میڈیا کی توجہ سے دور رکھنے کے لیے برطانیہ جانے پر غور کر رہا ہے۔
برطانیہ میں ان کی حالیہ گرمیوں کی چھٹیوں نے ان افواہوں کو مزید ہوا دی۔
