اسلام آباد : ڈی چوک پر پاکستان تحریک انصاف (پی ٹی آئی) یوٹیوبرز اور سوشل میڈیا ایکٹوسٹ کو گرفتار کرنے کا فیصلہ کرلیا۔
تفصیلات کے مطابق اسلام آباد کے ڈی چوک پر پاکستان تحریک انصاف (پی ٹی آئی) یو ٹیوبرز اور سوشل میڈیا ایکٹوسٹ کو گرفتار کرنے کا فیصلہ کرلیا گیا۔
ذرائع نے بتایا کہ یوٹیوبر،سوشل میڈیا ایکٹوسٹ صحافیوں کے روپ میں ڈی چوک پر موجود ہیں اور پولیس حکمت عملی سے لیڈر شپ کو آگاہ کر رہے تھے۔
دوسری جانب اسلام آباد میں سی آئی اے سینٹر کو سب جیل قرار دینے کا نوٹیفکیشن جاری کردیا گیا ہے، نوٹیفکیشن کے مطابق پاکستان تحریک انصاف (پی ٹی آئی) کے حالیہ احتجاج کے دوران گرفتار ہونے والے افراد کو سیکٹر آئی نائن مرکز میں واقع سی آئی اے سینٹر میں رکھا جائے گا۔
یاد رہے دفعہ ایک سوچوالیس کی خلاف ورزی پر پی ٹی آئی رہنماؤں اور کارکنوں پر مختلف شہروں میں بتیس مقدمات درج کرلیے ہیں۔
راولپنڈی کے دو اور گوجرانوالہ کے ایک مقدمے میں بانی پی ٹی آئی اور اہلیہ بھی نامزد ہیں جبکہ ٹیکسلا کے مقدمےمیں عمرایوب،علی امین گنڈاپور، حماد اظہر، اسد قیصر بھی نامزد ہیں۔
مقدمات میں دہشت گردی اورکارسرکار میں مداخلت کی دفعات شامل کی گئی ہے۔
