بدلتے دور کے ساتھ پسند کی شادی کا رجحان بڑھ رہا ہے لیکن گیلپ سروے میں پاکستان میں پسند کی شادی کے مخالفین کی تعداد زیادہ ہے۔
شادی دو افراد کی نئی زندگی کی شروعات اور جیون بھر ساتھ نبھانے کا ایک خاموش عہد ہوتا ہے۔ پرانے وقتوں میں لڑکے اور لڑکیاں ایک دوسرے کو دیکھتے بھی نہ تھے اور خاندان کے بڑے ان کی شادیاں کرا دیتے تھے۔
تاہم وقت کے بدلتے رجحانات کے ساتھ اب پاکستان میں بھی پسند کی شادی کا رجحان بڑھ رہا ہے۔ شادی پسند کی ہونی چاہیے یا نہیں؟ اس حوالے سے جب گیلپ پاکستان نے سروے کیا تو اس میں دلچسپ حقائق سامنے آئے ہیں۔
گیلپ سروے کے مطابق پاکستان کی اکثریت پسند کی شادی کی مخالف نکلی اور حیران کن طور پر سب سے زیادہ مخالفت شہری آبادی کی جانب سے کی گئی۔
سروے رپورٹ میں بتایا گیا ہے کہ پاکستان کی 58 فیصد شہری جب کہ 49 فیصد دیہی آبادی نے پسند کی شادی کی مخالف کی۔
اسی رپورٹ کے مطابق 52 فیصد شہری آبادی پسند کی شادی کی حامی ہے جب کہ دیہی علاقوں میں بھی پسند کی شادی کی حمایت میں 39 فیصد نے اپنی رائے دی۔
