انٹرنیشنل کرکٹ کونسل (آئی سی سی) چیمپئنز ٹرافی کا فیصلہ دو روز بعد جمعے کو ہوگا۔
آئی سی سی بورڈ میٹنگ 29 نومبر کو دبئی میں ہوگی جس میں چیمپئنز ٹرافی کی قسمت کا فیصلہ کیا جائے گا، میگا ایونٹ میٹنگ کے ایجنڈے میں شامل ہے۔
تمام بورڈ ممبرز آئی سی سی بورڈ میٹنگ میں شرکت کریں گے۔
دوسری جانب پی سی بی ذرائع کا کہنا ہے کہ میزبانی میں کسی دوسرے ملک کو شریک کریں گے نہ ہی اضافی رقم لینے کی پیشکش قبول کریں گے، ہم مکمل ایونٹ کا انعقاد اپنے ملک میں ہی کرنا چاہتے ہیں۔
واضح رہے کہ بھارت پاکستان آکر ٹورنامنٹ کھیلنے سے انکار کر چکا ہے جبکہ دوسری جانب پاکستان کسی بھی ہائبرڈ ماڈل قبول نہ کرنے کے اپنے مؤقف پر قائم ہے۔
ادھر بھارتی ہٹ دھرمی کے باعث آئی سی سی تاحال شیڈول اعلان نہیں کر سکی ہے۔
آئی سی سی کو براڈ کاسٹرز کی جانب سے شیڈول کے جلد اعلان کے لیے دباؤ کا سامنا ہے اور براڈ کاسٹ رائٹس کے مطابق پاک بھارت میچ نہ ہونے پر انٹرنیشنل کرکٹ کونسل کو قانونی چارہ جوئی کا سامنا بھی کرنا پڑ سکتا ہے۔
