بالی ووڈ کی معروف اداکارہ ایشوریا رائے نے طلاق کی افواہوں کے درمیان اپنے نام سے ’ بچن‘ ہٹادیا ہے۔
بھارتی میڈیا کے مطابق اداکارہ ایشوریا رائے بچن نے حال ہی میں دبئی میں منعقدہ ’گلوبل ویمنز فورم‘ ایونٹ میں شرکت کی جہاں انہوں نے خواتین کو بااختیار بنانے کے حوالے سے جذباتی انداز میں خطاب کیا۔
اس ایونٹ کی متعدد تصاویر اور ویڈویز سوشل میڈیا پر زیرِ گردش ہیں جس میں ایشوریا رائے کو اسٹیج پر تشریف لاتے دیکھا جاسکتا ہے۔
View this post on Instagram
ویڈیو میں دیکھا جاسکتا ہے کہ جب ایشوریا رائے اسٹیج پر آئیں تو بیک گراؤنڈ میں لگی اسکرین پر انکا نام اور پیشہ لکھا نظر آنے لگا اور حیران کن طور پر اسکرین پر صرف ’ایشوریا رائے‘ لکھا تھا۔
ایشوریا کے نام کیساتھ بچن غائب ہونے پر سوشل میڈیا پر وائرل طلاق کی پُرانی افواہوں نے پھر سے زور پکڑ لیا ہے، جس پر سوشل میڈیا صارفین کا تبصرہ کرنے کا سلسلہ جاری ہے۔
بعض سوشل میڈیا صارفین کا نام کے ساتھ بچن نہ لکھنے پر کہنا تھا کہ ایشوریا کے انسٹاگرام اکاؤنٹ پر انکا نام تاحال ’ایشوریا رائے بچن‘ ہی ہے اس لیے ان افواہوں میں کوئی صداقت نہیں ہے۔
