اسلام آباد: پی ٹی آئی کے احتجاج سے نمٹنے کے لیے صرف اسلام آباد پولیس کے 33 کروڑ 28 لاکھ روپے سے زائد خرچ ہو گئے۔
پولیس ذرائع نے دعویٰ کیا ہے کہ پاکستان تحریک انصاف( پی ٹی آئی) کا 3 روز کے احتجاج سے نمٹنے کیلئے صرف اسلام آباد پولیس کے 33 کروڑ 28 لاکھ روپے خرچ ہوئے، وفاقی دارالحکومت اسلام آباد کو 24 سے 30 مختلف مقامات کو سیل کرنے کے لیے 800 سے زائد کنٹینرز لگائے گئے۔
ذرائع کا کہنا ہے کہ اسلام آباد پولیس کے کنٹینرز کی مد میں 7 کروڑ 28 لاکھ روپےخرچ ہوئے، گزشتہ 7 دنوں میں آج تک 7 کروڑ 28 لاکھ روپے کے اخراجات بن چکے ہیں۔
- Advertisement -
ذرائع کے مطابق اسلام آباد پولیس نے 35 ہزار آنسو گیس کے شیلز کا بندوبست کیا تھا، پولیس نے 3 روز میں 15 کروڑ کے شیل استعمال کیے جبکہ ربڑ کی گولیوں اور 2500 بندوقوں کی مد میں 11کروڑ کے اخراجات آئے۔
