بونیر: پولیس کا کہنا ہے کہ اے ایس آئی عامر رحمان کو فائرنگ کرکے قتل کردیا گیا۔
تفصیلات کے مطابق صوبہ سرحد کے شمالی ضلع بونیر میں جائیداد کے تنازع پر اے ایس آئی کو قتل کردیا گیا، پولیس کا کہنا ہے کہ اےایس آئی عامر رحمان کو فائرنگ کر کے قتل کیا گیا۔
بونیر پولیس کے مطابق اے ایس آئی عامر رحمان ٹانگوڑہ کے رہائشی ہیں، ان کی لاش کو اسپتال منتقل کردیا گیا ہے جبکہ قتل میں ملوث ملزمان کو بھی گرفتار کرلیا گیا ہے۔
دوسری جانب پشاور میں مکان خالی کرانے کے تنازعہ پر 24سالہ نوجوان کو قتل کردیا گیا، واقعہ شاور کے علاقے فقیرآباد میں پیش آیا جہاں مکان خالی کرانے کے تنازعے پر 24 سالہ نوجوان کو فائرنگ کرکے قتل کردیا گیا۔
پولیس نے ملزمان کیخلاف مقدمہ درج کرکے مزید تفتیش شروع کردی ہے، تھانہ فقیرآباد پولیس کو رپورٹ درج کراتے ہوئے 17 سالہ کلیم اللہ ولد ظہور ساکن ملک آباد نے بتایاکہ گزشتہ روز اسے اطلاع ملی کہ اسکے بھائی صدام حسین کو کسی نے فائرنگ کرکے قتل کیا ہے۔
