بھارتی اداکار شرد کپور کے خلاف 32 سالہ خاتون کو ہراساں کرنے کے الزام میں مقدمہ درج کرلیا گیا ہے۔
بھارتی میڈیا رپورٹ کے مطابق اداکار شرد کپور پر 32 سالہ خاتون نے ہراساں کرنے کا الزام عائد کرتے ہوئے دعویٰ کیا ہے کہ انہوں نے پروجیکٹ پر بات کرنے کے بہانے گھر بلایا اور اس دوران انہوں نے نامناسب لباس پہنا ہوا تھا اور فحش پیغامات بھی بھیجے۔
پولیس نے اداکار کے خلاف مقدمہ درج کرکے انہیں پوچھ گچھ کے لیے طلب کرلیا ہے۔
پولیس حکام کے مطابق یہ واقعہ مبینہ طور پر 26 نومبر 2024 کو پیش آیا جب متاثرہ کو ویڈیو ریلیز پر کام پر بات کرنے کے بہانے دفتر میں بلایا گیا تھا۔
خاتون نے الزام عائد کیا کہ اداکار نے نامناسب لباس پہنا ہوا تھا اور ان پر حملہ کرنے کی کوشش کی اور فحش پیغامات بھی بھیجے گئے۔
شرد کپور نے خاتون کی جانب سے الزامات پر کوئی تبصرہ نہیں کیا اور نہ ہی اس کی تصدیق یا تردید کی ہے۔
واضح رہے کہ شرد کپور نے 1994 میں فلم ’میرا پیارا بھارت‘ سے بالی ووڈ میں ڈیبیو کیا، وہ زیادہ تر معاون کرداروں کے حوالے سے جانے جاتے ہیں۔
ان کی فلموں میں ایشوریا رائے کی ’دستک’۔‘ ری تھک روشن کی لکشیا۔‘ اور سلمان خان کی ’جے ہو‘ شامل ہیں۔
