اسرائیل نے ثابت کیا ہے کہ وہ خود کو کسی بھی اخلاقی معاہدے میں باندھے نہیں رکھ سکتا، لبنان کے ساتھ جنگ بندی معاہدے کی بھی اب تک وہ شرم ناک طور پر 52 مرتبہ خلاف ورزی کر چکا ہے۔
الجزیرہ کے مطابق اسرائیل کے وائی نیٹ نیوز نے فرانس کے حوالے سے رپورٹ کیا ہے کہ اسرائیلی فوج نے حزب اللہ کے ساتھ ہونے والے جنگ بندی معاہدے کی 52 بار خلاف ورزی کی ہے، اس میں ہفتے کے روز ہونے والا حملہ بھی شامل ہے، جس میں تین لبنانی شہری مارے گئے تھے۔
اسرائیلی فوج نے ان حملوں کو جائز قرار دیتے ہوئے دعویٰ کیا ہے کہ یہ حزب اللہ کی خلاف ورزیوں کے جواب میں کیے گئے تھے، تاہم وائی نیٹ نیوز نے فرانسیسی حکام کا حوالہ دیتے ہوئے کہا کہ اسرائیل نے معاہدے کی تعمیل کی نگرانی کرنے والی بین الاقوامی کمیٹی سے مشاورت کے بغیر یہ کارروائی کی ہے۔
میڈیا نے ایک فرانسیسی اہلکار کے حوالے سے کہا کہ لبنان جنگ بندی کو برقرار رکھنے اور حزب اللہ کو جنوبی لبنان میں اپنی موجودگی کو دوبارہ قائم کرنے سے روکنے کے لیے پوری طرح پرعزم ہیں، لیکن انھیں خود کو ثابت کرنے کے لیے وقت دیا جانا چاہیے۔
اقوام متحدہ نے شام میں موجودہ انتشار کی وجہ بتا دی
دوسری جانب اسرائیلی حکام اپنے شرم ناک اقدامات کا دفاع کرنے پر مصر ہیں، اور ان کا کہنا ہے کہ بین الاقوامی مانیٹرنگ کمیٹی پیر یا منگل سے پہلے مکمل طور پر فعال نہیں ہو سکے گی، اس لیے وہ اس وقت تک حملے جاری رکھیں گے۔
