اسلام آباد: چیئرمین پیپلزپارٹی بلاول بھٹو سے سینیٹر فیصل واوڈا کی اہم ملاقات ہوئی ہے۔
اے آر وائی نیوز کے مطابق چیئرمین پی پی بلاول بھٹو اور فیصل واوڈا کی ملاقات میں سیاسی صورت حال، ملک میں نفرت اور تقسیم کی سیاست سے پیدا بحران پر گفتگو کی گئی۔
ذرائع کا کہنا ہے کہ بلاول اور واوڈا کی ملاقات زرداری ہاؤس میں ہوئی ہے۔
اس سے قبل فیصل واوڈا کا کہنا تھا کہ جو مرشد ہے وہی بانی پی ٹی آئی کی تباہی کا ذمہ دار اور ضامن ہے۔
فیصل واوڈا نے کہا تھا کہ جو لوگ ڈیل کے تحت باہر آئے ہیں وہ ڈیل سے باہر جائیں گے تو پھر حراست میں بھی جائیں گے۔دھرنے سے سب سے پہلے بشریٰ بی بی اور گنڈاپور بھاگے۔بشریٰ بی بی جان دینے کو تیار تھیں مگر فوٹیج آگئی کہ وہ ٹہلتے ہوئے گاڑی میں بیٹھ رہی ہیں۔
ان کا کہنا تھا کہ اگر بیگم جاکر بانی پی ٹی آئی کو دم درود والا پانی پلادیں یا دہی کھلادیں تو ریاست ذمہ دار نہیں ہوگی،اور اگر اُنہیں بچانا ہے تو یہی راستہ ہے کہ ان کی ملاقات نہیں کرائی جائے۔
واوڈا کہ بشریٰ بی بی جب عمران خان کی زندگی میں آئیں ، اُس کے بعد وہ گھڑی چور، مار دھاڑ پر یقین کرنے والے اور اداروں کے خلاف ہوئے ۔
