قومی ٹیم کے فاسٹ بولر حسن علی نے کہنی کی تکلیف سے چھٹکارا پا لیا اور ری ہیب بھی مکمل کر لیا۔ فاسٹ بولر جلد ایکشن میں واپس آنے کے لیے پُرامید ہیں۔
رپورٹس کے مطابق فاسٹ بولر حسن علی ری ہیب مکمل کرنے کے بعد بولنگ بھی کر رہے ہیں اور فٹنس کے لیے بھرپور جم ایکسر سائز بھی کر رہے ہیں۔
فاسٹ بولر کو کاؤنٹی کرکٹ کھیلتے ہوئے دائیں کہنی میں سرجری اگست کے آخر میں ہوئی تھی۔
اس سے قبل قومی ٹیم کے بیٹر بابر اعظم کے کپتانی سے استعفیٰ دینے کے بعد فاسٹ بولر حسن علی کی پوسٹ وائرل ہوگئی تھی۔
فاسٹ بولر نے بابر اعظم کے مستعفی ہونے کے بعد ٹوئٹ کیا تھا جو سوشل میڈیا پر وائرل ہوگیا تھا۔
اُنہوں نے لکھا تھا کہ ’بابر اعظم کی کپتانی میں کھیلنا میرے لیے فخر اور اعزاز کی بات ہے، ہم نے بہت سی کامیابیاں اور یادیں ایک ساتھ دیکھی ہیں۔
جونیئر ایشیا کپ ہاکی: پاکستان اور بھارت آج فائنل میں آمنے سامنے ہوں گے
فاسٹ بولر نے بابر اعظم کو ’کنگ‘ کہہ کر مخاطب کیا اور ان کے لیے نیک خواہشات کا اظہار کیا تھا۔
