کراچی: پی آئی اے کی پروازوں سے پابندی ہٹانے لیے برطانوی پارلیمنٹ میں بھی آوازیں بلند ہونے لگی ہیں۔
پاکستانی نژاد برطانوی ممبر پارلیمنٹ یاسمین قریشی نے برطانیہ میں قومی ایئر لائن کی پروازوں سے پابندی ہٹانے کا مطالبہ کرتے ہوئے برطانوی محکمہ ٹرانسپورٹ کے سیکریٹری کو ایک مراسلہ بھیجا ہے۔
مراسلے میں کہا گیا کہ یورپی یونین ایوی ایشن ایجنسی نے پی آئی اے سے پابندی ہٹا دی ہے، برطانوی محکمہ ٹرانسپورٹ بھی پی آئی اے پر پابندی ہٹائے۔
مراسلے میں لیبر ایم پی یاسمین قریشی نے کہا کہ براہ راست پروازوں سے برطانیہ میں مقیم پاکستانیوں کو سہولت میسر ہوگی، کیوں کہ براہ راست پروازیں نہ ہونے سے پاکستانیوں کو مشکلات کا سامنا ہے، برطانیہ مقیم پاکستانیوں کو اپنے پیاروں کے جسد خاکی پاکستان آبائی علاقوں میں لے جانے کی بھی سہولت میسر آئے گی۔
سپریم کورٹ نے پی آئی اے نجکاری روکنے کا حکم واپس لے لیا
انھوں نے کہا کہ پاکستان سول ایوی ایشن کے حکام کی قابلیت کے باعث یورپ میں پاکستانی ایئر لائنز پر پابندی ہٹانے میں مدد ملی ہے، برطانیہ میں بھی پاکستانی ایئر لائنز کی فوری بحالی کے اقدامات کیے جائیں۔
