پاکستان کی معیشت کی معاونت کے لیے سعودی عرب نے 3 ارب امریکی ڈالر کے ڈپازٹ کی مدت میں توسیع کر دی۔
سعودی فنڈ فار ڈویلپمنٹ نے سعودی عرب کی جانب سے 5 دسمبر 2024 کو میچور ہونے والے 3 ارب امریکی ڈالر کے ڈپازٹ کی مدت میں مزید ایک سال کی توسیع کر دی ہے۔
یہ رقم اسلامی جمہوریہ پاکستان کی جانب سے اسٹیٹ بینک آف پاکستان میں جمع کرائی گئی تھی۔ ڈپازٹ کی مدت میں توسیع مملکت سعودی عرب کی جانب سے پاکستان کو فراہم کردہ مسلسل حمایت کا حصہ ہے۔
توسیع سے پاکستان کے زرمبادلہ کے ذخائر کو مضبوط اور ملک کی معاشی ترقی اور خوشحالی میں مدد ملے گی۔ 3 ارب امریکی ڈالر کے ڈپازٹ کا معاہدہ سب سے پہلے 2021 میں ایس ایف ڈی کے ساتھ دستخط کیا گیا تھا۔
اسٹیٹ بینک آف پاکستان کا کہنا ہے کہ 2022 اور 2023 میں شاہی احکامات کے تحت اس میں توسیع کی گئی جو دونوں برادر ممالک کے درمیان قریبی تعلقات کا عکاس ہے۔
