فرانس کے صدر ایمل میکرون نے وزیراعظم کو نئی حکومت کی تقرری تک کام جاری رکھنے کا حکم دیدیا۔
غیرملکی خبر ایجنسی کے مطابق صدارتی حکم کے بعد فرانسیسی وزیراعظم بارنیئر نئی حکومت کی تقرری تک نگراں کی حیثیت سے کام جاری رکھیں گے۔
فرانسیسی وزیراعظم مائیکل بارنیئر کو عدم اعتماد کی تحریک کا سامنا تھا اور صدر میکرون سے ملاقات میں وزیراعظم مائیکل بارنیئر نے استعفیٰ پیش کر دیا تھا۔
فرانس کے وزیراعظم کے خلاف اپوزیشن جماعت کی جانب سے لائی گئی تحریک عدم اعتماد کی کامیاب ہوگئی، مائیکل بارنیئر صرف تین ماہ عہدے پر برقرار رہ سکے۔
رپورٹ کے مطابق فرانسیسی پارلیمنٹ کے اراکین نے وزیراعظم مشیل بارنیئر کے خلاف تحریک عدم اعتماد کثرت رائے سے منظور کرلی۔
وزیر اعظم مشیل بارنیئر کے اقلیتی اتحاد کا دور حکومت محض تین ماہ بعد ہی اپنے اختتام کو پہنچ گیا جو فرانس کی تاریخ میں کسی بھی حکومت کا سب سے مختصر دورانیہ ہے۔
