لاہور: وزیرِ اعلیٰ پنجاب مریم نواز نے کہا ہے کہ پنجاب کی ایئر لائن کے قیام کی تجویز کا جائزہ لیا جارہا ہے۔
تفصیلات کے مطابق انٹرنیشنل سول ایوی ایشن ڈے پر وزیرِ اعلیٰ پنجاب مریم نواز نے پیغام میں کہا کہ ہوا بازی نے دنیا کو ایک گلوبل ویلیج میں بدل دیا ہے، اس سے فاصلے سمٹ گئے ہیں۔
انہوں نے کہا کہ ایوی ایشن، پی آئی اےکو کھویا ہوا مقام واپس دلوانے پر وزیراعظم کو خراج تحسین پیش کرتی ہوں، وزیراعظم کی مدبرانہ کوششوں سے پی آئی اے کو یورپ میں فلائٹ آپریشن کی اجازت ملی۔
مریم نواز نے اپنے پیغام میں کہا کہ معیشت، سیاحت اور عوامی روابط کے فروغ کیلئے ایوی ایشن کا کردار فراموش نہیں کیا جاسکتا۔
وزیرِ اعلیٰ پنجاب مریم نواز نے مزید کہا کہ پنجاب حکومت جدید ہوائی سفری سہولیات فراہم کرنےکیلئے پُرعزم ہے جس کے لیے پنجاب کی ایئرلائن کے قیام کی تجویز کا جائزہ لیا جا رہا ہے۔
