اسلام آباد: جسٹس منصور علی شاہ نے مستعفی ہونے کی قیاس آرائیاں مسترد کردیں اور کہا بھاگ کر نہیں جائیں گے جو کام کرسکتے ہیں کریں گے۔
تفصیلات کے مطابق اسلام آباد میں تقریب میں شرکت کے بعد جسٹس منصور علی شاہ نے میڈیا سے غیر رسمی گفتگو کی۔
صحافی نے سوال کیا کیا آپ کے مستعفیٰ ہونے سے متعلق افواہیں درست ہیں؟ تو ا نھوں نے مستعفی ہونے کی قیاس آرائیاں مسترد کردیں۔
انھوں نے کہا کہ یہ سب قیاس آرائیاں ہیں، بھاگ کر نہیں جائیں گے، جو کام کر سکتا ہوں وہ جاری رکھوں گا۔
اس سے قبل جسٹس منصور نے ملک میں چلڈرن کورٹس بنانے کی ضرورت پر زور دیتے ہوئے کہا عدلیہ کو بچوں کے حقوق کا تحفظ کرنا چاہیے۔
ان کا کہنا تھا کہ ججزکو بتانا چاہتا ہوں بچوں کیلئےانصاف کس قدراہم ہے ، بچےصرف ہمارا مستقبل ہی نہیں ہمارا آج بھی ہیں، عدلیہ کو بچوں کے حقوق کا احساس ہے، بچے کل کے لوگ نہیں بلکہ آج کے افراد ہیں، مفاد عامہ کے مقدمات سےکافی بہتری آتی ہے۔جسٹس منصور علی شاہ نے ملک میں چلڈرن کورٹس بنانے کی ضرورت پر زور دیتے ہوئے کہا عدلیہ کو بچوں کے حقوق کا تحفظ کرنا چاہیے۔
