پاکستانی اداکارہ ماورا حسین نے ایل ایل بی کی ڈگری کو کارآمد بنانے کیلئے اداکاری کی دنیا کو خیرباد کہنے کا اشارہ دے دیا۔
پاکستان کی خوبرو اداکارہ ماورا حسین نے حال ہی میں ایک انٹرویو میں اپنے پسندیدہ نوکری سے متعلق بات کی اور وکیل بننے کے حوالے سے بھی اپنا بیان دیا۔
اداکارہ نے کہا کہ مجھے صرف دو ہی نوکریاں پسند ہیں جس میں سے پہلی ہے اداکاری اور دوسری بے بی سٹنگ اس کے علاوہ اور کوئی ملازمت نہیں پسند۔
ایک سوال کے جواب میں ماورا حسین نے کہا کہ میں بدقسمتی سے اپنی وکالت کی ڈگری کو کارآمد نہیں بنا سکتی، پانچ سال پہلے تک مجھے لگتا تھا کہ میں وکالت اور اداکاری دونوں ہی پیشے کو ایک ساتھ لیکر چل سکتی ہوں لیکن اب سمجھ آگیا ایسا ممکن نہیں ہے۔
اداکارہ نے کہا کہ مجھے لگتا ہے کسی بھی نوکری کو کرنے کیلئے ضروری ہے کہ آپ مکمل طور پر اس پر اپنی توجہ مرکوز رکھیں، لیکن ہاں اگر مستقبل میں وکالت کے پیشے کو چننے کا فیصلہ کیا تو پھر پوری طرح اس پر ہی توجہ دونگی اور دوسرے تمام کام کو چھوڑ دونگی۔
اداکارہ نے مزید کہا کہ جس طرح ابھی اداکاری کے لیے محنت کرتی ہوں اسی طرح وکیل بننے کیلئے محنت کرونگی اور اس کے لیے اداکاری چھوڑ دوں گی۔
ماورا حسین نے اپنی ڈگری سے متعلق مزید بتایا کہ میں ایل ایل بی مکمل کرچکی ہوں، مجھے بار کورس مکمل کرنے کیلئے 9 ہفتے درکار ہیں، بار کورس کے لیے مجھے لندن جانا ہوگا میں مزید پڑھنے کیلئے تیار ہوں لیکن ہاں ابھی یہ نہیں سوچا کہ اسے کب مکمل کرونگی۔
View this post on Instagram
یاد رہے کہ ماورا حسین نے 2019 میں یونیورسٹی آف لندن سے وکالت کی تعلیم مکمل کی تھی اور اپنی کانووکیشن کی تصاویر بھی سوشل میڈیا اکاؤنٹس میں شئیر کی تھیں۔
واضح رہے کہ ماورا حسین متعدد ڈراموں میں مرکزی کردار نبھا چکی ہیں جبکہ وہ بالی ووڈ فلم ’صنم تیری قسم‘ اور پاکستانی فلم ’جوانی پھر نہیں آنی ٹو‘ میں اداکاری کے جوہر دکھا چکی ہیں۔
