پاکستان شوبز انڈسٹری کے معروف اداکار فیصل قریشی کی اہلیہ ثنا فیصل کی مزاحیہ پوسٹ سوشل میڈیا پر وائرل ہورہی ہے۔
معروف اداکار کی اہلیہ ثنا فیصل نے اپنے انسٹاگرام پر ایک پوسٹ شیئر کی، جس میں وہ اپنے شوہر سے مخاطب ہوکر کہہ رہی ہیں کہ ”آپ نے اسکول میں میتھ نہیں پڑھی تھی، جس پر فیصل کہتے ہیں پڑھی تھی ناں، ثنا نے کہا تو آپ میری ویلیو کیوں نہیں سمجھتے “۔
View this post on Instagram
اپنی اہلیہ کے سوال کے جواب میں فیصل قریشی کہتے ہیں کہ ”کیوں کہ میں میتھ میں فیل ہوگیا تھا“۔
ثنا فیصل کی جانب سے کی گئی مزاحیہ پوسٹ پر ان کے چاہنے والوں کی جانب سے لائکس اور کمنٹس کا سلسلہ جاری ہے۔
ایک صارف نے کمنٹس میں کہا کہ ” فیصل بھائی نے حیران کردیا، ایسی ریلز پہلے کیوں نہیں بنائی، ایک صارف نے جوڑے کو کمنٹ میں دعائیں دی۔
اس سے قبل معروف اداکار کا کہنا تھا کہ پاکستانی ڈرامے بھارت میں مقبول ہیں اور لوگ انہیں بہت پسند کرتے ہیں۔
View this post on Instagram
پاکستان کے معروف اداکار نے حال ہی میں ایک پوڈ کاسٹ میں شرکت کی جہاں انہوں نے پاکستانی ڈراموں کی بھارت میں مقبولیت پر بات کی تھی۔
پوڈ کاسٹ کی وائرل ہونے والی ویڈیو میں فیصل پاکستانی ڈراموں کی بھارت میں مقبولیت پر بات کرتے ہوئے کہا تھا کہ میرے بہت سے ڈرامے بھارتی ٹیلی وژن پر نشر ہوئے ہیں۔
اداکار نے اپنی بات جاری رکھتے ہوئے کہا کہ بھارتی عوام پاکستانی ڈراموں کے دیوانے ہیں، مجھے بھارتی کوریوگرافرنے بتایا کہ جب پاکستانی ڈرامے ’میری ذات ذرہ بے نشاں ’اور ’ہم سفر‘ دکھائے جاتے تھے اس وقت سڑکیں ویران ہوجاتی تھیں۔
