کراچی: کاروباری ہفتے کے پہلے روز سونے کی قیمت میں ایک مرتبہ پھر اضافہ ہوگیا۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 2 ہزار روپے اضافے کے بعد 2 لاکھ 76 ہزار 400 روپے ہوگئی ہے۔
اسی طرح 10 گرام سونے کی قیمت 1714 روپے اضافے سے 2 لاکھ 36 ہزار 968 روپے رہی۔
عالمی مارکیٹ میں بھی سونے کی قیمت میں اضافے کا رجحان رہا اور سونا 20 ڈالر اضافے سے 2658 ڈالر فی اونس رہا ہے۔
واضح رہے کہ ہفتے کے روز سونے کی فی تولہ قیمت 2 لاکھ 74 ہزار 400 روپے تھی۔
دوسری جانب انٹر بینک میں امریکی ڈالر تین پیسے سستا ہوگیا۔ اسٹیٹ بینک کا کہنا ہے کہ انٹربینک میں امریکی ڈالر 278.01 روپے سے کم ہوکر 277.98 روپے پر بند ہوا۔
پاکستان میں آج ڈالر اور دیگر کرنسیوں کی قیمت
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
