بدھ, فروری 5, 2025
اشتہار

’فضول خرچی سے پرہیز کروں گی‘ دولہا اور دلہن کی دلچسپ ویڈیو وائرل

اشتہار

حیرت انگیز

بھارت میں دولہا اور دلہن کی شادی سے قبل کاغذ پر لکھی شرائط پڑھنے کی دلچسپ ویڈیو سوشل میڈیا پر وائرل ہوگئی۔

فوٹو اور ویڈیو شیئرنگ ایپ انسٹاگرام پر دولہا اور دلہن کی ویڈیو وائرل ہورہی ہے جس میں دلہن سرخ لباس میں ملبوس ہیں جبکہ دولہے نے سفید کرتا اور زرد پگڑی پہن رکھی ہے۔

نوبیاہتا جوڑے کی ویڈیو پر باراتی بھی قہقہے لگانے پر مجبور ہوگئے۔

ویڈیو میں دیکھا جاسکتا ہے دولہا اور دلہن اسٹیج پر ایک دوسرے سے وعدہ کررہے ہیں۔

دلہن کہتی ہیں کہ میں مذہب کی پیروی کروں گی، شوہر کو ہمیشہ وفادار رہوں گی، کبھی دھوکا نہیں دوں گی، شوہر کی جیب کے مطابق اپنی ضرورتوں کو پورا کروں گی، حسد، بغض سے پرہیز کروں گی، ایسی رہوں گی جس سے سب خوش رہیں، گھریلو اخراجات کو سمجھداری سے چلاؤں گی، فضول خرچی سے پرہیز کروں گی۔

دوسری جانب دولہا نے بھی کہا کہ اہلیہ کا دوست بن کر رہوں گا، کبھی بغض نہیں رکھوں گا، اہلیہ سے نرم لہجے میں بات کروں گی۔

وائرل ویڈیو کو لاکھوں کی تعداد میں ویوز حاصل ہوچکے ہیں اور صارفین اس پر تبصرے بھی کررہے ہیں، ایک صارف نے لکھا کہ ’خدا آپ دونوں کو خوش رکھے۔‘ دوسرے نے کہا کہ جس نے بھی یہ لکھا ہے اچھا لکھا ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں