خطرناک کوبرا سانپ کے پاس بیٹھ کر اس کی فوٹوگرافی کرنا دیکھنے میں جتنا آسان اور سنسنی خیز لگتا ہے، کرنے میں اتنا آسان نہیں، بلکہ یہ ایک خطرناک کام ہے جس میں جانی نقصان بھی ہو سکتا ہے۔
یہی وجہ ہے کہ ایک فوٹوگرافر ایسے موقع پر زبردست خوف کا شکار ہوگا اگر اس سے محض ایک میٹر کی دوری ایک خطرناک کوبرا سانپ پھن پھیلائے چوکنا کھڑا ہو۔
الجزائر میں سوشل نیٹ ورکنگ سائٹس پر ایک ویڈیو وائرل ہوئی ہے، جس نے لوگوں کو حیران کر دیا ہے، اس میں ایک انٹرنیشنل الجزائری فوٹوگرافر جمال حاج عیسیٰ کوبرا سانپ کی بہت قریب سے تصویر اور ویڈیو بناتا دکھائی دیتا ہے۔
جمال عیسیٰ نے جنوبی الجزائر کی ریاست بسکرا میں ایک کوبرا سانپ کی تصویر کھینچی، جس پر اس کی دلیری اور پیشہ ورانہ مہارت نے سوشل میڈیا صارفین کو اپنی طرف متوجہ کیا۔
ویڈیو میں دیکھا جا سکتا ہے کہ کوبرا سانپ پھن پھیلائے کسی بھی لمحے حملہ کر سکتا تھا، تاہم فوٹو گرافر جمال نے اپنے خوف پر قابو پانے کے لیے خود کو زیادہ سے زیادہ پر سکون رکھا، اور ذہن سے سانپ کے حملے کا خوف نکال کر اپنی ساری توجہ سانپ کی تصویر لینے پر مرکوز رکھی۔
الجزائر کے جمال حاج عیسیٰ کا شمار افریقی براعظم کے بہترین وائلڈ لائف فوٹوگرافرز میں ہوتا ہے، ان کی اور ایک شیر کی ایک تصویر ایک سال قبل بین الاقوامی اخبارات کی سرخیوں میں رہی تھی۔
View this post on Instagram
